Бремената Кети Пери (35) отпатува од Австралија откако престојуваше во истиот хотел како Том Хенкс (63) и неговата сопруга Рита Вилсон (63) кои се заразени со коронавирус.
Кети Пери ја скрати турнејата во Австралија откако изби паника поради коронавирусот.
Пејачката е видена како излегува од автомобилот и иде накај аеродромот во Сиднеј на 12 март.
Таа носеше сива тренерка и дуксер. На рацете имаше ракавици, а на главата капуљача и слушалки.
Со перница ја имаше покриено устата, на очите имаше црни наочари, а на нозете едноставни и удобни патики.
Со оглед на тоа дека неодамна откри како е бремена и со Орландо Блум го очекува своето прво дете, логично е дека се обидува да се заштити од вирусот кој владее низ светот.
Кети 24 часа била заробена во хотелот „Парк Хајат“ во Сиднеј. Тоа е истиот хотел во кој беа Том Хенкс (63) и неговата сопруга, пејачката Рита Вилсон (63), кои моментално се во изолација.
Нејзиниот вереник Орландо Блум (43) исто така мораше да го промени својот распоред.
Снимањето на втората сезона од неговата емисија е прекинато и одложено.
