Некогашниот главен продуцент во Холивуд, Харви Вајнстин (67), осуден е на 23 години затвор, а веста одекна како вистинска бомба во светските медиуми.
Британската актерка Кејт Бекинсејл (46) е една од жртвите на Вајнстин, а се огласи на Инстаграм само неколку часа откако на Вајнстин му беше донесена пресудата поради присилување на орален секс на неговата поранешна асистентка Мими Халеј во 2006 година, како и за силувањето на Џесика Ман во 2013 година.
Кејт покрај фотографиите од премиерата на филм од 2001 година, објави и подолга порака и ги изнесе своите чувства, но и досега непознати детали од само една од непријатните средби со Вајнстин, по што ја поддржаа бројни колешки.
„Овие слики се направени на 5 октомври 2001 година на премиерата на филмот „Serendipty“. Сите одбивме да одиме, бидејќи тоа беше само неколку недели по 11 септември и градот и натаму беше под чад, но Харви инсистираше. Одлетавме за Њујорк и некако се извлековме. Следното утро Харви ме повика и праша дали можам да ја донесам својата двегодишна ќерка кај него дома, за таа да си игра со неговата исто така мала ќеркичка. Му реков во ред“ , ја почна актерката својата приказна.
„Се појавив кај него и тој веднаш повика дадилка да се погрижи за децата и да си игра со нив во другата соба. Трегнав со нив, но тој ми рече: „Не, ти почекај овде“. Само минута откако дадилката отиде со децата, тој почна да извикува: „Ти глупава пи*ко!“ Ми ја уништи премиерата!“. Немав поима за што зборува и почнав да се тресам. Ако организирам црвен тепих, ти треба да се појавиш во краток фустан, да мрдаш со задникот и да ги тресеш градите, а не да изгледаш како да си проклета лезбејка“, рече тој.
„Од шок почнав да плачам. Се обидув да му кажам: „Харви, градот е во хаос, луѓето уште ги бараат своите најблиски, никој од нас дури не сметаше дека премиерата треба да се одржи во овој момент, а уште помалку за тоа во какво издание да се појави на забава“, продолжи актерката.
„Не ме интересира – тоа е моја премиера и ако сакам пи*ка на црвениот тепих, тоа треба и да го добијам“, ми рече Харви, а јас почнав да врескам во себе. Успеав да се извлечам себеси и да го отргнам детето оттаму, и да, тоа беше едно од многуте искуства за кои нема никаков доказ, бидејќи не се случи кривично дело. Но, бев казнета поради ова, а и за други случаи кога со години го одбивав“, обвини Кејт.
„Веста дека е осуден на 23 години затворска казна е големо олеснување за мене и за сите други жени кои сексуално ги вознемируваше и силуваше и се надевам дека така и ќе биде третиран. Како што веќе реков, злосторствата кои не се третираат како злосторства, нехуманите малтертирања и болните прикривања на злоставувања за кои се молчи во јавноста, едноставно мора да исчезнат“, пишува Кејт, која и од претходно во јавноста има зборувано за уште неколку непријатни ситуации кои ги доживеала со злогласниот продуцент.
