Пејачката Драгана Мирковиќ за српските медиуми ја потврди среќната вест за бременоста на нејзината снаа Мелани Димитријевиќ. Имено, во објавата, Драгана истакна дека е пресреќна поради доаѓањето на новото бебе во нивниот дом.
– Денес сум сигурно најсреќната жена на светот бидејќи официјално можам да потврдам дека ќе станам баба. Мелани, избраничката на мојот син Марко, ни донесе на сите неопислива радост кога ни кажа дека е во благословена состојба – рекла таа.
Драгана имаше и посебно барање кога станува збор за веста за бременоста на нејзината снаа.
– Ви благодарам на сите за добрите желби и честитките и би сакала да ја искористам оваа можност да кажам дека ова е сè што ќе кажам за ова прашање. Бидејќи ниту еден од нив не се занимава со јавна работа, а бидејќи таа сега е во чувствителен период, пишувањето и зборувањето за тоа ќе биде стресно за Мелани и затоа ги молам сите за разбирање и да не се впуштаат во дополнителни информации и шпекулации за нивниот живот – додала Драгана.
Како што изјави на крајот, нејзиниот син Марко и Мелани уживаат во овој период, но нема да се огласуваат во јавноста.
– Мојот син и неговата избраничка имаат желба, и целосно право, да ја заштитат својата приватност и својата среќа на секој можен начин, јас ќе ја почитувам нивната одлука, а истото го барам и од медиумите – додала таа.
