Српската пејачка Теа Таировиќ ќе се мажи по две години врска со своето момче Иван! Тие двајца веќе три месеци ја планираат свадбата која ќе ја организираат во Нови Сад, а таа ги поканила само најблиските роднини, пријателите и избраните колеги, меѓу кои се Сања Вучиќ и Барбара Бобак.
Како што пренесува „Свет“, пејачката ангажирала агенција за венчавки и им ги изнела своите желби, затоа што не сака дополнително да се исцрпува, бидејќи има напорна летна турнеја, па мора да биде посветена на работата.
Теа пред три месеци одлучила каква венчаница ќе облече на својот најсреќен ден. Многу ѝ се допаднал фустанот кој Ким Кардашијан го носела кога се омажила за Канје Вест. Наводно стапила во контакт со француски дизајнери кои ќе ѝ ја сошијат буквално истата венчаница. Само Теа имала една желба – нејзиниот превез да биде поинаков, па сама го нацртала како што сака да изгледа, а тоа ќе ѝ го направат креаторите кои ѝ ја шијат венчаницата.
Според гласините, целата свадба ќе ја чини околу 100.000 евра, а ќе треба да потроши 18.000 евра само за венчаницата што ќе пристигне од Париз, изјавила за „Свет“ пријателката на Теа.
Да потсетиме, пејачката долго време ја криеше врската со Иван, кого најпрво го ангажираше како свое лично обезбедување. Веднаш почнаа искри меѓу нив, а нејзиниот иден сопруг ја следи насекаде и ѝ дава голема поддршка.
