Пејачката Индира Радиќ доживеала стресна ситуација кога го изгубила паричникот во продавница во близина на Белград. Пејачката сè очекувала, освен она што следело од еден прекрасен човек чиј гест ја враќа вербата во луѓето.
Непознатиот човек кој го пронашол паричникот, без двоумење го однел директно на адресата на пејачката и не сакал апсолутно ништо за возврат, пишува „Гранд“.
Овој чин ја воодушевил и шокирал Индира, а таа не криела колку многу ја трогнала оваа ситуација.
Во море од разврат, неискреност и лоши ситуации, оваа приказна ја потсетува јавноста дека човечноста и чесноста не исчезнале.
Нејзината искрена реакција и благодарност уште еднаш покажаа како малите гестови можат да остават голема трага.
Пејачката Индира Радиќ е родена на 14 јуни 1966 година, во селото Драгаловци, недалеку од Добој (сега општина Станари). Нејзиниот татко Живко работел како возач и службеник на Сојузот на комунисти на Босна и Херцеговина, а нејзината мајка Роза била домаќинка.
