Холивудскиот пар Ештон Кучер (42) и Мила Кунис (36) станаа активни во време на кризата поради коронавирусот.
Тие, исто така, сакаат финансиски да ги подржат добротворните организации, но истовремено и да им донесат и малку радост на луѓето во самоизолација.
Нивната идеја е карантинското вино, а сите пари кои ќе ги заработат од продажбата, ќе бидат распределени на четири одбрани здруженија во Америка.
Производството веќе започна, а испораката може да се очекува во првата недела од мај.
– Шишињата имаат „интерактивна етикета“. Со празна предна страница им даваме прилика на луѓето да ја дизајнираат сопствената етикета и да им се заблагодарат на луѓето кои прават или извршуваат неверојатна работа во овие тешки времиња и кои се тука за другите. Или пофалете се самите себе си, бидејќи цел ден сте затворени дома со своите деца, кои нормално, ги сакате повеќе од се, објаснија Ештон и Мила.
