Познатиот српски рокер и член на жирито во „Ѕвезде Гранда“, Ѓорѓе Давид, се огласи на социјалната мрежа Инстаграм, каде напиша дека веќе трет ден се наоѓа во болница.
Како што пренесува музичарот, станува збор за воспаление на белите дробови.
Воедно, Ѓорѓе напиша и дека ги чека резултатите од тестот за коронавирус.
„Веќе трет ден сум во болница. Најпрво бев во инфективното одделение, а денеска сум префрлен на пулмологија. Ги чекам резултатите од тестот за коронавирус. Силен сум, ќе ви јавам веднаш откако ќе го добијам резултатите. Чувајте се луѓе!“, напиша пејачот на Инстаграм.
