Актерката Лидија Вукиќевиќ на својот инстаграм-профил често објавува слики од својот дом на Бежанијска коса која го средила како од бајките. Имено, Вукиќевиќ покажа како го украсила својот дом за новогодишните празници, а на сите им паднало во очи тоа што на средината од собата поставила камин.
Актерката го украсила станот со новогодишни украси, а во преден план се гледа големата фигура на гном што ја поставила на прозорецот. Лидија освен што ужива во убаво уреден стан има и фантастичен поглед во кој ужива. Сè изгледа идилично, особено откако падна првиот снег во годината.
Да потсетиме, Вукиќевиќ еднаш откри дека вложила многу внимание и труд во дизајнирањето на ентериерот на својот дом и дека не ѝ е тешко да ги засука ракавите и да закова, да бојадиса или да реставрира одредени делови од домот. Белата, капучино и песочните бои доминираат во нејзиниот простор, а мебелот од дрво, украсен со ситни детали и растенија, се наоѓа насекаде во станот.
Како што објавија медиумите, Лидија пред извесно време за 200.000 евра ја продала куќата што ѝ припаѓала по разводот со екс-фудбалерот Митар Мркела и со тие пари купила стан кој сама го опремила.
„Таа ја продала куќата за 200.000 евра, а со тие пари купила еднособен стан, во областа каде што живее со години. Тој стан е многу луксузен и посебно се посветила на неговото уредување”, рекол изворот на времето.
