Пејачката Маја Николиќ настапи со својата песна „Жали срце мое“ на 11-тото место во второто полуфинале на српскиот избор „Песма за Евровизију“.
И покрај повредата и гипсот на ногата, Маја Николиќ ја испеа „Жали срце мое“ пред публиката проследена со голем аплауз.
За таа прилика, Маја облекла бел тесен фустан без прерамки, испреплетен со светки, а својот стајлинг го комплетирала со впечатлива темна шминка и крената коса – свежо обоена.
– Ова не ми е фустан за настап и не сакам да се гледа гипсот, немој некој да гласа поради гипсот. Благодарение на РТС добив три прекрасни фустани, фризер, најубава шминка. Се расплакав денеска, тоа ми е најголемиот подарок – изјавила пејачката пред полуфиналето, додавајќи дека нејзиниот син ѝ е најголема поддршка, пишува „Ало.рс“.
🇷🇸🎵1️⃣1️⃣🎤 💔 «Žali srce moje» de Maja Nikolić es una poderosa canción de desamor y empoderamiento. Nadie vuelve atrás, y aunque el amor fue grande, el perdón no siempre llega. 🎶🔥 #MajaNikolić #ŽaliSrceMoje #eurovision2025 #rts #pze25 pic.twitter.com/YQWR28G6J5
— ESCplus España 🇪🇸 | Noticias de Eurovisión (@escplus_es) February 26, 2025
Маја уште еднаш докажа дека овој стајлинг не е резервиран само за младите!
Неможејќи да се движи поради повредата, таа храбро застанала пред публиката и ја отпеала својата песна.
„Планирам да одам во Базел и да го истакнам српското знаме“, накратко рекла таа пред настапот.
Сепак, Маја Николиќ не успеа да се пласира во финалето на „Песма за Евровизију“, што ѝ падна тешко, со оглед на тоа што со недели работеше на кампањата за својата песна „Жали срце мое“.
