Пејачката Наташа Беквалац моментално престојува во Дубаи со своите ќерки, а за ова луксузно патување издвојила вистинско богатство.
Иако активно работи на својот нов албум, Наташа настојува секој слободен момент да го помине со своите ќерки.
„Поради работата на албумот значително го намали бројот на настапи, но е свесна дека и понатаму поминува многу време надвор од дома, одделена од ќерките. Често се случува да не се видат цел ден, што ѝ паѓа тешко, па затоа реши да ги изненади со патување на нивната омилена дестинација – Дубаи – открива извор близок до пејачката и додава:
„Сè организираше за еден ден – резервира сместување, купи карти… Со нив отпатува и Јована, девојката која од раѓањето на Катја се грижи за неа. Со текот на времето, таа и Наташа станаа многу блиски, па сега ја смета за рамноправен член на семејството. Затоа Јована секогаш патува со нив, а сите трошоци за овие луксузни патувања ги покрива Наташа. Овојпат, за совршен „женски одмор“ издвојила вистинско богатство – уживањето во полн пансион во ексклузивен хотел ја чинело повеќе од 10.000 евра! Комплексот каде што се сместени, покрај прекрасната приватна плажа, располага и со кинески ресторан, фризерски салон, неколку отворени базени, аква-парк, спа-центар, сауни, тениски терени и теретани, па не е чудно што цената е толку висока. Интересно е што дури и на одмор, Наташа не ја менува својата дневна рутина – продолжила да се храни здраво и редовно да тренира“, открива изворот.
„Девојките максимално уживаа во убавото време, песочните плажи и шопингот низ Дубаи. Во меѓувреме, дадилката поминуваше повеќе време сама со Катја, а Наташа тоа го искористи за долги разговори со постарата ќерка Хана, со која има отворен и пријателски однос без никакви табу-теми. Вечерите ги поминуваа во излегувања, посети на шопинг-молови и ресторани, каде што уживаа во коктели и дружење“, заклучува изворот.
