Госпоѓа Зурие Ајрулај ни ги отвора вратите на нивниот семеен прекрасен двор кој се простира на дури 300 квадратни метри, а се наоѓа во убавата Преспа, покрај Преспанското езеро, во село Асамати.
– Моментално ништо не работам, затоа имам повеќе слободно време да му се посветам на мојот двор, ни вели нашата домаќинка, која лично е одговорна за целиот двор, а секако, некогаш помага и сопругот и ќерките.
Дворот е наросен со најразновидни цвеќиња и растенија, а најмногу доминираат каранфилчињата, газениите и петунии.
Зурие дневно посветува околу два часа на дворот, а дополнително еден ден во неделата е посветена цел ден на дворот, од косење на тревата до чистење и одржавање.
– Орхидејата е мое омилено цвеќе, за внатрешен простор, а надвор најмногу обожавам газенија – ни открива Зурие.
Стигнуваме до советот за оние кои допрва сакаа да почнат да се занимаваат со нега на цвеќе и растенија.
– Совет на сите кои сакаат да почнат со градинарство, нека почнат од цвеќињата кои се лесни за одгледување, а потоа постепено нека преминат и на потешки. Сите кои имаат желба да почнат со одгледување, нека почнат веднаш бидејќи занимавањето со цвеќиња е храна за душата, а исто и огромно задоволство кога ја гледам убавината на мојот двор.
Инаку, Зурие е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Уживајте во прекрасната фотогалерија.
Фото-приватна архива
