Популарната хрватска пејачка Северина го однела синот на училиште на првиот ден од новата учебна година. На Инстаграм објави фотографија на која се гушка со Александар пред тој да влезе во училиштето.
„Го славиме секој нов почеток“, напиша пејачката на Инстаграм. Инаку, нејзиниот син оди во шесто одделение основно училиште.
Дел од летото пејачката го помина и со синот, на Корчула. На фотографиите од летниот одмор, како и на сите останати фотографии кои ги споделуваше со синот, таа мораше да го крие неговото лице поради судските мерки кои ги бара таткото на Александар, Милан Поповиќ.
