Пејачката и актерката Селена Гомез (32) и продуцентот Бени Бланко (36) се верија по нешто повеќе од една година љубовна врска.
Гомез ја сподели среќната вест на својот инстаграм-профил, каде што со своите 423 милиони следбеници важи за една од најследените познати личности.
Таа објави неколку фотографии од овој посебен момент за двојката, со кои го покажа дијамантскиот прстен на својата рака.
View this post on Instagram
„Нашето засекогаш започнува сега…“, напиша Гомез во описот.
„О, чекајте… тоа е мојата сопруга“, ѝ искоментира Бланко на објавата.
Ѕвездата доби бројни честитки од обожавателите, како и од нејзините блиски пријатели од јавната сцена – Тејлор Свифт, Џенифер Анистон, Гвинет Палтроу, Суки Ватерхаус, Џулија Мајклс итн.
„Да, јас ќе бидам девојката која ќе ти фрла цвеќиња…“, напиша Свифт во коментарите.
Да потсетиме, Гомез и Бланко ја започнаа љубовната врска во летото 2023 година. На почетокот, тие потврдија дека се заедно и за пошироката јавност.
