Турската актерка Мерјем Узерли, која беше сакана од публиката по улогата на Султана Хурем во серијата „Сулејман Величествениот“, го прослави својот роденден. Мерјем одлучи да го помине овој посебен ден во кругот на своите најблиски.
Нејзината сестра, родителите и двете ќерки беа присутни на прославата што ја организираше турската актерка, а судејќи според фотографиите, атмосферата била исполнета со смеа, прегратки и нежни семејни моменти. На масата доминираа елегантни роденденски тортички со фотографии од членовите на нејзиното семејство, а просторијата беше украсена со цвеќиња и балони во златни тонови.
View this post on Instagram
Мејрем блескаше во златен фустан, а позираше со својата сестра Џанан насмеани од уво до уво. Нејзината сестра исто така имаше фустан во златни тонови, и двете позираа боси, докажувајќи колку е опуштена атмосферата во домот по повод нејзиниот роденден. Покрај Џанан, на прославата на роденденот присуствуваа и родителите на славеничката – мајката Урсула и таткото Хусеин.
И тие беа во златни тонови, исто како и ќерките на познатата актерка, Лара и Лили, кои уживаа во топлата семејна атмосфера. Мерјем им се заблагодари на сите за честитките на социјалните мрежи и рече дека нејзиниот најголем дар е времето поминато со оние што ги сака.
