Нашата позната пејачка и харфистка Сара Костадиновска или позната како Сара Мејс, на својот инстаграм – профил сподели прекрасни фотографии и кратки видеа по повод својот 31 – ви роденден кој го прослави во кругот на семејството.
Во друштво на нејзиниот сопруг познатиот водител и маркетинг претприемач Димитар Атанасовски и нивната тригодишна ќерка, преслатката Илина уживаа во интимна прослава во еден скопски ресторан.
View this post on Instagram
Кинески специјалитети, фотографирање, насмевки како и уникатна роденденска торта (десерт) – пржен сладолед заокружени со милион желби беа доволни за Сара максимално да ужива во својата роденденска прослава.
Мама Сара со помош на Илина ги дувна свеќичките и ја замисли својата роденденска желба, која како што наведе во описот на фотографиите веќе е остварена, а притоа посака да остане вечна желба.
– Не постои нешто што повеќе сакам од нив. Нив си ги посакувам за роденден. Да ми се здрави само, стои во описот на прекрасната галерија кога Сара ја сподели со своите бројни фанови.
Малечката Илина уживаше во специјалитетите од кинеската кујна, па дури и се обиде ја јаде со традиционалните кинески стапчиња, а потоа позираше пред камерата совршено стилизирана по повод роденденот на својата мајка.
Среќен роденден Сара Мејс!
