СЛАВЧО ПОПОСКИ ПРОГНОЗИРА: Утринските температури паѓаат до минус три, еве од кога!

Во Скопје и околината времето ќе биде сончево со мала локална облачност и со слаб до умерен ветер од југоисточен правец. Во текот на денот облачноста ќе се зголемува, додека максималната температура ќе се искачи до околу 19 степени.

Според Попоски за време на викендот, како и на самиот почеток од следната недела ќе има повеќе облачност, а ќе има услови и за слаби локални врнежи од дожд. Поради спуштање на постудена воздушна маса од север, викендов ќе дува умерен, повремено засилен ветер од северен правец, и тоа особено во недела кога и температурите на воздухот ќе бележат тенденција на опаѓање и од недела ќе се искачуваат во интервалот од 10 до 17 степени, додека во почетокот од следната недела наутро истите понекаде ќе се спуштаат и до околу -3 степени.