Принцот Хари и неговата сопруга Меган беа овековечени за време на прославата на платинестиот јубилеј на кралицата Елизабета, на нивното прво јавно појавување во Велика Британија откако го напуштија кралското семејство.
View this post on Instagram
View this post on Instagram
Минатиот април војводите од Сасекс се сретнаа со кралицата Елизабета Втора во Виндзор, во периодот кога патуваа за Хаг, Холандија, каде што присуствуваа на Игрите Инвиктус.
Во некои снимки објавени од британските медиуми, војводата и војвотката од Сасекс се шегуваат во друштво на децата на кралското семејство и разговараат со војводата од Кент, братучед на кралицата, кој се појави покрај неа на балконот на Бакингемската палата за време на воената парада Trooping the Colour.
Хари и Меган не беа видени заедно во Обединетото Кралство во јавноста откако ја напуштија улогата на вработени членови на кралското семејство во јануари 2020 година. Ќерката Лилибет – именувана по прекарот на кралицата – никогаш не ја запознала Елизабета Втора ниту остатокот од кралското семејство, додека Арчи не ги видел од неговата шест месечна возраст.
Хари и Меган не се појавија на балконот на Бакингемската палата на настанот Trooping the Colour во чест на прославата на 70-годишнината од владеењето на Елизабета, токму поради тоа што повеќе не се членови на кралското семејство кои извршуваат службени функции. Сепак, тие ја гледаа парадата од канцеларијата на генерал-мајорот, која гледа на главниот плоштад кадешто се случуваше настанот, а таму беа заедно со другите внуци на кралицата Елизабета кои не учествуваат во поворката со кочии или во појавувањето на балконот, како на пример, принцезата Беатрис и принцезата Евгенија.
Инаку, коментарите на фановите на Меган се дека таа се појавила во Лондон во асиметричен темен фустан, речиси ист модел каков што носела на свечениот коктел на денот пред свадбата на Хари и Меган.
A playful Meghan, The Duchess of Sussex, is pictured with Savannah Phillips and Mia Tindall – during the Trooping the Colour ceremony at Horse Guards Parade
©Kelvin Bruce/Jim Bennett #PlatinumJubilee #HM70 #TroopingTheColour https://t.co/KaPj1nS6S5 pic.twitter.com/3Rp8cfdokw
— Derek Momodu (@DelMody) June 2, 2022
Сепак, „бунтовниот“ пар често е во центарот на вниманието особено во весниците и на социјалните мрежи. Според анкетата меѓу читателите на онлајн весникот Индипендент, Хари и Меган се меѓу најомилените членови на кралското семејство, а според анкетата на ЈуГов, тие се на најниско ниво по популарност.
View this post on Instagram
Иако не се појавија официјално на балконот од палатата на првиот ден од прославата на јубилејот на кралицата, се очекува денес да бидат од официјалниот дел на мисата која ќе се одржи во лонсонската катедрала Свети Павле.
