Кралицата Елизабета нема да присуствува на денешната миса за благодарност во лондонската катедрала Свети Павле, како дел од прославата на платинестиот јубилеј: одлуката е донесена поради „малаксаност“, извести Бакингемската палата.
„Кралицата уживаше многу во денешната Роденденска парада и Flypast, но се чувствуваше малку малаксано“, се вели во вчерашното соопштение на кралската палата.
Вчера британската кралица Елизабета Втора се појави на балконот на Бакингемската палата. Кралицата (96) ја поздрави гардата додека илјадници луѓе се собраа во центарот на Лондон да прослават 70 години од нејзиното владеење.
Кралицата слави седум децении од владеењето со серија свечени настани кои започнаа вчера и ќе траат до недела, а Елизабета е првиот британски монарх што го прославува платинестиот јубилеј.
