„Украинските сили постигнаа некои успеси во борбата против Русите во градот Северодонецк, но општата воена ситуација во регионот на Донбас не е променета во последните 24 часа“ – рече претседателот Володимир Зеленски во новата видео порака објавена вчеравечер.
Украинскиот лидер, објавија локалните медиуми, му се заблагодарил на американскиот претседател Џо Бајден за ветувањето за ново оружје и рече дека „очекува добри вести и од другите партнери“.
„Соединетите Држави потврдија дека модерни повеќекратни ракетни фрлачи Химарс ќе бидат испратени во нашата земја. Ова оружје ќе ни помогнат да ги спасиме нашите животи и да ја заштитиме нашата земја. Благодарен сум на претседателот Бајден, на сите наши американски пријатели и на народот на Соединетите држави за нивната поддршка“, рече Зеленски, додавајќи дека „денес добивме нов пакет одбранбена помош од Шведска“.
Москва пак, веднаш испрати одговор. „Смртно ќе ги нападнеме одлучувачките центри доколку Киев го употреби оружјето добиено од САД против руските територии“, изјави заменик-шефот на Советот за безбедност на Руската Федерација Дмитриј Медведев. Ако ваквите видови оружје се користат против руските територии – додаде тој – вооружените сили на нашата земја нема да имаат друг избор освен да дејствуваат за да ги поразат центрите за одлучување.
