Никола Роквиќ се прости од својот колега со емотивни зборови и фотографија.
Познатиот гитарист Драгиша Василиќ Гиле почина ненадејно, а пејачот Никола Роквиќ се прости од него со емотивна порака.
Роквиќ ја објави тажната вест на својот инстаграм-профил, истакнувајќи дека го загубил долгогодишниот гитарист и близок пријател со кого ја делел сцената со години.
Заедно со фотографијата на Гиле, Роквиќ сподели и трогателна порака:
„Со Бога, добар мој Гишка… Ти благодарам за целата љубов, за секоја нота и пријателство…“
Збогувањето на Роквиќ трогна многу негови следбеници, кои во коментарите изразија сочувство и тага за прераното заминување на Гиле.
Инаку, причина за смртта на Гиле засега не е позната.
