Најдобриот играч на последното Светско првенство и капитен на аргентинската фудбалска репрезентација Лионел Меси на соиграчите од националниот тим им купи 35 iPhone 14 со позлатени маски и имиња на фудбалерите, телефоните имаат и свои броеви на дресот, како и логото на Аргентина.
Така капитенот на Аргентина изрази благодарност до соиграчите кои му помогнаа да го освои Светското првенство во Катар.
– Чест ни е да им ги доставиме овие подароци на соиграчите на Лео и на стручниот штаб на националниот тим. Тоа е негов подарок за освојување на титулата – изјави Бен Лијонс од компанијата „Индизајн Голд“.
View this post on Instagram
Меси наводно потрошил над 200.000 евра за подароци за колегите од репрезентацијата.
– Лео е еден од нашите најлојални клиенти. Ни се јави неколку месеци по завршувањето на Светското првенство и рече дека би сакал да им подари нешто посебно на соиграчите за да ја прослават голема победа. Не го сакаше вообичаениот подарок, часовници, па му го предложив ова и тој беше воодушевен – изјави Лијонс.
