47-годишниот бразилски фудбалер Роналдо и неговата трета сопруга, манекенката Селина Локс, направија луксузна венчавка и објавија фотографии од церемонијата која се одржа во нивниот дом на Ибица. Шармантната невеста неколку пати ја менуваше облеката, пишува Вог.
Свадбените веселби траеле една недела. Роналдо и Селина Локс се запознале во 2015 година на забава на заеднички пријател. Двојката се сврши во јануари 2023 година во Пунта Кана во Доминиканската Република додека беа на одмор.
Нивната свадбена недела започна во понеделник, на 25 септември, со приватна верска служба во малата црква во селото Ес Кубелс на островот Ибица, каде што имаат заедничка куќа. На церемонијата присуствувале само членови на семејството.
За интимната венчавка со поранешниот напаѓач на Реал Мадрид и Интер, невестата избрала свилен фустан во боја на слонова коска од Jacquemus. Откако си дадоа завет, младенците ја напуштија црквата и беа пречекани со аплауз и опсипани со конфети.
Роналдо и третата сопруга беа домаќини на „Белата забава“ во клубот Јондал Бич во средата каде пречекале поголем број гости. Овојпат, за забавата, Селина носеше тесен фустан од Викторија Бекам со накит Тифани и чевли Рене Каовила.
Во петокот, на 29 септември, се одржа третиот дел од свадбата, односно главната церемонија. Настанот кој собра најмалку 300 гости се оджра во домот на младенците.
„Бев вклучена во секој чекор од процесот на планирање. Роналдо и јас комбиниравме сè што отсекогаш сакавме да ја направиме нашата церемонија што е можно поспецијална“, вели Селина, истакнувајќи дека соработувала со славната организаторка на свадби и настани Силвија Нистал.
View this post on Instagram
За оваа специјална прилика Селина носеше бела свилена тоалета од „Армани Прајв“, розови скапоцени обетки најновата колекција на Тифани и чевли Џорџо Армани.
Роналдо пак, облече свилен костум Џорџо Армани во боја на песок, а потоа се преоблекол во поформален костум исто така од Армани.
Роналдо и Армани првпат соработуваа во 1998 година, кога фудбалската ѕвезда играше за Интер.
По церемонијата следувала шпанска вечера, а потоа дојде време за забава. За последниот дел од вечерта, невестата ја смени гардеробата, а нејзиниот втор моден избор беше: бел свилен сатенски фустан Armani Privé со извезен цвет од лотос.
Бидејќи свадбените прослави се поклопија со полната Месечина, атмосферата беше бајковита.
