Познатата музичка ѕвезда Јелена Карлеуша уште еднаш ја покажа својата хумана и емотивна страна и љубовта кон животните.
На својот инстаграм-профил Јелена сподели трогателен видеоклип во кој го претстави новиот член на своето семејство – кучето по име Омега, брат на нејзиниот домашен миленик Алфа.
Заедно со видеото, Јелена напиша емотивни зборови кои допреа многу нејзини следбеници, нагласувајќи ја важноста да им се обезбеди дом и љубов на напуштените животни.
„Мојот убавец Алфа денеска доживеа уште една убава работа, го донесов неговиот брат, кој исто така беше исфрлен на улица и досега не бил во азил, бидејќи никој не сакаше да го посвои… го посвоив. Каде има место за седум животни, има место и за осмо. Добредојде во твојот нов дом Омега“, напиша Јелена во својата објава на социјалната мрежа Инстаграм.
Да потсетиме, на братот на Омега, Алфа, му беа ампутирани двете шепи кога Карлеуша го посвои.
View this post on Instagram
