Македонската пејачка Ивона Јо во 2025 година се соочи со голема загуба – ненадејната смрт на нејзиниот татко.
Оттогаш, таа во неколку наврати отворено зборуваше за тагата и за тоа колку тешко се помирува со неговото отсуство.
Сега пејачката одлучи да направи нешто што, како што вели, веќе една година го носела во себе. Во спомен на својот татко, Ивона направи тетоважа што за неа има посебно емотивно значење.
Моментот го сподели со своите следбеници на социјалните мрежи, каде што откри дека дури сега почувствувала дека е подготвена за овој чекор.
„Конечно се почувствував спремна да го направам чекорот- кој година дена тлее во мене.
Тетоважа за него. За неговото присуство. За едно детство. За една љубов таткова.
Ќале мој, колку многу не дозволуваше да се тетовирам. После третата тетоважа дигна раце од мене и не се бунеше за ништо веќе.
Ова е за тебе татко мој. Вечно впишан на мене и во мене“, напиша Ивона.
Со тетоважата, пејачката одлучи на траен и личен начин да го зачува споменот на својот татко, со кого била силно поврзана.
