Ќерката на српската пејачка Гоца Тржан и учесникот во реални шоуа Иван Маринковиќ, Лена Маринковиќ, сè почесто привлекува внимание на социјалните мрежи со фотографии на кои гордо ја истакнува својата витка линија.
Лена со другарките летото го поминува на море, а неодамна повторно објави фотографии во провокативна комбинација во чоколадна боја која совршено го истакнува нејзиниот тен и облините. Деколтето е смело длабоко, а краткиот фустан ги нагласува нејзините долги нозе.
Фотографијата предизвика бројни реакции на интернет, а ова не е првпат Лена да направи „хаос“ на мрежите. Пред извесно време објави слика во костим за капење и за првпат јавноста ја виде во толку смело издание, по што следеа десетици коментари и реакции.
Неодамна и самата Гоца Тржан зборуваше за првите години од мајчинството, откривајќи дека со ќерката постојано била присутна на јавни настани.
„Одев на промоции и на разни случувања и секогаш ја носев со мене. Знаев да се тргнам настрана, да ја подојам, па повторно да се вратам на настанот. Таа растеше како вистински номад, навикната на бучава и постојано патување“, изјави пејачката за WTF радио.
Тржан се присети и на времето кога Лена имала само месец и пол, а веќе патувале за Црна Гора, каде што таа настапувала.
„Ќе ја подојам, ќе ја пресоблечам, излегувам на бината, па повторно назад кај неа. Сакав и да работам, и да бидам мајка“, додаде таа.
