Анастасија Ражнатовиќ и познатиот фудбалер Немања Гудељ за жал го загубија своето бебе. Немања се огласи на Инстаграм и ја сподели оваа тажна вест со своите следбеници.
Пејачката Светлана Цеца Ражнатовиќ еднаш откри дека таа и нејзиниот покоен сопруг Жељко Ражнатовиќ Аркан чекале дете уште пред нивната венчавка, но за жал, дошло до спонтан абортус.
– Го изгубив бебето во третиот месец од бременоста – откри Цеца Ражнатовиќ по 27 години молк.
Пејачката имала спонтан абортус месец и половина пред да се омажи за Жељко Ражнатовиќ Аркан на 19 февруари 1995 година.
Сите детали од овој трагичен настан фолк ѕвездата за прв пат ги раскажа во документарната серија „Цеца шоу“ на телевизија Блиц.
– Јас и Жељко чекавме бебе пред да се венчаме. Свадбата ја закажавме во февруари, а пред тоа бев бремена. Во меѓувреме, за жал, го изгубив моето бебе – откри Цеца во емисијата.
Истата судбина ја доживеа сега и Анастасија.
„Многу жалиме што јас и Анастасија го загубивме нашето бебе. Ова е мошне болен миг за нас, но нашата љубов ќе го победи и ова“ – напиша фудбалерот на својот Инстаграм профил.
