Инстаграм го вжешти со своите фотографии направени на Белата плажа во Дубаи, а за нас најде време за муабет – и покрај уживањето во целата таа убавина на градот. Еве какви впечатоци ни пренесе популарната пејачка Елена Велевска.
View this post on Instagram
Што те одведе во Дубаи и зошто баш Дубаи како дестинација? Што најмногу ти се допаѓа?
– За првпат сум овде и тоа по моја желба и во приватна режија.Сместена бев во хотелот „Стела Ди Маре“ и многу ме интересираше каков луксуз нуди оваа дестинација. И така е, воопшто не згрешив во изборот бидејќи ги посетив најелитните места: Бев на највисоката точка од каде се гледа Палмата и е вистинско доживување да се види таа панорама, ресторанот „Се Ла Ви“ е фантастично место за ноќно излегување, „Скај Вју Инфинити Пул“ е вистинско уживање во глетката каде мислиш дека се спојува од највисоко базенот со морето. Ја посетив Бурџ Калифа највисоката зграда во светот и една од најтоп атракциите во Дубаи. Го посетив хотелот „Атлантис“ и Белата Плажа пред него, е тоа место не смеете да го пропуштите!, се возев со монолит до соседните места на Палмата каде има ексклузивни продавници.И последниот ден бев во „Миракл Гарден“ тоа е најубавата цветна градина што некогаш сум ја видела. Навистина вреди да се посети.
View this post on Instagram
Инстаграм го вжешти со постираните фотографии, очигледно спремна си за летото и во фит форма, си дозволи ли гастрономско уживање во Дубаи „за инает“ на диетите?
– Овојпат и не сум баш во фит форма бидејќи сакав да се хранам и да пробам од овдешните специјалитети.
Каков е Дубаи за шопингг, какви се цените во рестораните?
– Единствен порок во мојот живот е шопингот, па така и сега не одолеав и уживав во она што го нудат ексклузивните продавници во Дубаи. Рестораните во Дубаи нудат најазновидна храна: турска, јапонска, кинеска, индиска, француска, американска…пробував и уживав во нивните вкусови.
