Преубавата Олга Кириленко (40), една од најубавите жени и актерки во светот, боледува од коронавирус, но одбива да оди на болничко лекување.
Иако има милиони со кои може да си обезбеди било каде лекување, Украинката кажа дека не сака да го земе местото на некое повозрасно лице и на тие кои се борат за живот.
– Благодарам на сите кои ми испраќаат убави желби, преплавена сум со љубезност. Сакам да ја искористам оваа прилика да одговорам на најчесто поставуваните прашања, а кои се однесуваат на коронавирусот – кажала Олга.
– Зошто не сум во болница? Бидејќи болниците се полни и примаат само пациенти кои се борат за живот, ако добро сум разбрала. Ми кажаа ако ситуацијата ми се влоши, тогаш да повикам итна помош – продолжила Кириленко.
– Каде сум тестирана? Во болница кога ме прими итната помош откако ги повикав, бидејќи температурата ми беше повеќе од 39. Како сум се тестирала? Ми земаа бриз од грло – продолжила актерката.
Таа кажала дека не знае каде го фатила вирусот.
– Каде сум го добила коронавирусот? Невозможно е да се знае. Може да е било каде. Може сум ја фатила вратата од таксито и сум го фатила од таму. На површината е. Скоро една недела температурата ми беше 38. Понекогаш и 38,5. Денеска се симна – кажала Кирилинко.
