Светското првенство во фудбал ќе остане запаметено по бројни настани. Од испаѓањето на силните репрезентации од конкуренција за првите три места, до згодните навивачки, Јапонците кои ги чистеа стадионите по натпреварите, но и неверојатните фудбалери на мароканската репрезентација а кои сепак го загубија третото место од Хрватите.
Но, со сигурност можеме да кажеме дека фотографијата која го одбележа Мундијалот е фотографијата на фудбалерот на мароканската репрезентација Ахраф Хакими со неговата мајка.
По победата, Хакими отишол кај мајка си која била на трибините и ја прегрнал.
А сега на социјалните мрежи се појавија фотографии на кои се гледа дека мајката и синот добиле свој мурал.
View this post on Instagram
– Мајките прават се за своите деца, бегаат од злоставувањето на партнерот, бегаат од државата, работат двојно повеќе, црпат сила за своето семејство. Без разлика каде се во светот, таа секогаш ќе биде мајка која дава се за своето дете, а тоа засекогаш ги означува нивните судбини и какви ќе бидат кога ќе пораснат, стои во описот на фотографијата.
