Драган Спасов – Дац, актер кој има остварено бројни и значајни улоги во театарски претстави, филмски и телевизиски проекти. Во неговото семејство се нижи веќе третата генерација актери од неговиот татко Стево Спасовски, преку него и денес неговите синови. Се надеваме дека оваа низа ќе продолжи.
Покрај бројните улоги, уживаме во музиката која ја создава заедно со неговиот соработник и пријател, а притоа наш познат пејач, композитор и продуцент, Александар Митевски.
View this post on Instagram
На Дац и Александар им успева да нè расположат, па дури и да нè натераат да запееме и кога не ни е до песна. За време на пандемијата се обидоа да нè расположат барем за момент со нивните пандемиски – хитови.
Овој пат, претпразнично по песната со Александар „Душа бакшиш“ актерот ни откри која е негова желба кога ќе остаре.
– Кога ќе остарам, сакам да бидам вистинскиот Дедо Мраз, е желбата на актерот која ја сподели со своите фанови објавувајќи фотографија маскиран како Дедо Мраз.
– Охохохоооо. Се накитив! стои во опсиот на фотографијата на Дац.
