Снимнката која предизвика внимание во светската јавност е онаа од Суперболот на која се гледа дека Џеј Џи и Бијонсе седат за време на интонирање на американската химна.
Веднаш започнаа со претпоставки дека двајцата на тој начин му испратиле порака за поддршка на некогашниот играч Колин Каперник.
Да потсетиме, овој спортист пред четири години на Супербол, за време на интонирање на химната, клекна и на тој начин протестираше против расизмот.
Џеј Зи објасни дека со тоа што тој и Бијонсе седеле, не значи дека протестирале.
– Не, не беше никаков протест. Жал ми е. Навистина го гледавме шоуто – рекол раперот на предавањето на Унивирзитетот Колумбија, еден ден по Суперболот.
Џеј Зи додал дека немало потреба за тивок протест, бидејќи како што вели, уметниците на сцена го изразуваат „најголемиот протест до сега“, алудирајќи на настапот на Џенифер Лопез и Шакира, кој беше со низа скриени политички пораки.
