Американската пејачка и актерка Деми Ловато наводно се гледа со младата и немирна ѕвезда Макс Ерик. Парот е виден како заедно купува намирници пред да бидат воведени мерките за изолација во Лос Анџелес, а изворите велат дека Деми и Макс се тема на неделата.
Се верува дека ѕвездите се запознале „пред неколку недели“, а бидејќи беа приморани да останат дома поради пандемијата од коронавирусот, разменуваат кокетни пораки на Инстаграм.
Макс сподели црно-бела фотографија на која ги покажува своите стомачни мускули додека позира. Тој напиша „кога ќе сфатите дека сте требале да спакувате повеќе за вашиот престој во карантинот…“, а пејачката на тоа во коментар врати дека се согласува.
Макс исто така сподели снимка каде пее песна од групата „Coldplay“. Во вториот клип ја пее песната „Let Me Love Уou“. Нема дилема на колго ја посветил песната, бидејќи Деми повторно коментираше и остави емотикони со солзи и срце.
Гласините за новата романса на Деми, доаѓаат 3 месеци откако раскина со Остин Вилсон. Тие раскинаа во декември, само месец дена откако врската ја објавија на Инстаграм.
