Пејачката Милица Тодоровиќ ужива во емотивна врска со новиот партнер Марио, кој поради неа реши да се пресели од Загреб во Белград.
Иако сè уште ја држат својата врска подалеку од очите на јавноста, извор близок до парот открива детали од нивната љубов.
– Марио е луд по неа, а таа по него. Се најдоа и ми се чини дека оваа врска на крајот ќе се претвори во нешто реално. Што повеќе да ви кажам кога се пресели во Белград да живее поради неа. Не буквално, но не излегува од српската престолнина. Овде одлично се забавуваат, Милица ги запознала сите негови пријатели, а тој нејзините. Не се разделуваат, нон стоп е со неа во нејзиниот стан. Единствено што не се појавуваат заедно во јавност затоа што сакаат да ја чуваат својата љубов во тајност. Марио има успешен бизнис во Хрватска и луѓе кои работат за него, а сето тоа го следи на интернет и повремено оди таму кога е потребно. Само за викенд не се заедно, кога Милица има настапи- вели изворот.
Пејачката, за разлика од претходните врски, одлучила да биде повнимателна околу изнесувањето на приватниот живот во јавноста.
– Ако се покаже дека Марио е вистинскиот, таа дефинитивно јавно ќе го покаже. Таа сака да помине уште малку време, за да биде сигурна во тоа. Милица веднаш јавно го разоткри секое претходно момче, па кога ќе дојдеше до раскинување, тоа неминовно ќе беше главна тема на медиумите. Таа не сака повеќе да биде така во центарот на вниманието, па затоа овојпат внимава – додал изворот.
Засега Милица и Марио уживаат во љубовта далеку од рефлекторите, си се посветуваат еден на друг и ја негуваат својата врска во приватност.
