Српската ѕвезда Цеца Ражнатовиќ се појавила на денешното снимање на емисијата „Ѕвезде Гранда“ каде го коментирала новото отворено писмо на Јелена Карлеуша.
На прашањето на медиумите дали имала можност да го прочита писмото, таа накратко одговорила:
„Ве молам, зарем досега не сфативте дека тоа апсолутно не ме интересира!“
Да потсетиме, Јелена во отворено писмо на социјалната мрежа „Икс“ (поранешен Твитер), жестоко ја испровоцира својата лута ривалка Цеца и изјави дека секоја споредба со пејачката е навреда за неа.
– Споредбата во која било смисла со осуден криминалец е навреда за мене. Да не беа Аркан, Легијата, клановите (и платените медиуми) да кријат и демонизираат пејачи, оваа ќе останеше под некој шатор. Кога станува збор за музика, концерти, стил, концепт, изведба итн. немаме допирни точки. Наместо да се занимавам со мојата професија, поминав децении во војна со жена која ми нанесе многу штета од чиста завист, омраза и болна опсесија, перфидно користејќи ја нејзината моќ и влијание во медиумите за да ме прикаже во негативно светло, до тој степен и толку долго време, што тие лаги станаа домашен стереотип и општо прифатен начин – напиша Јелена, па додаде:
– Да, денес таа стана неважна и поим за исмејување на новите генерации, но јас издржав речиси 3 децении голема неправда поради оваа несреќна жена која дури и ги хранеше своите деца со омраза кон мене. Моите деца не знаат која е таа. Последното нешто што го направи е тоа што со помош на едно ѓубре кое направи скриншот на видео повикот, таа лично ги достави моите слики до медиумите и лично ѝ помогна на Фута Радуловиќ незаконски да го избрише мојот канал на Јутјуб, пред објавувањето на албумот „АЛФА И ОМЕГА“, потоа „Ѕвезде Гранда“ итн. Каде е крајот на злото и омразата на оваа болна жена? Нејзините внуци не ѝ се толку важни колку нејзината желба да ми наштети. П.С (се разбира, сега кога картите се измешаа поинаку, имам опција да ѝ го и…..м животот, но за мене е под чест да забијам нож во грбот на непријател кој умира. Еден поглед во неа е доволен за на сите да им биде јасно како сè уште функционира кармата) – објави Карлеуша.
