Откако после наградите SAG за прв пат беа фотографирани заедно после 15 години, Бред Пит и Џенифер Анистон ја размрдаа имагинацијата на милиони фанови кои сакаат повторно да ги видат заедно.
На меѓународниот филмски фестивал во Санта Барбара вчера вечер новинарите го прашале Бред Пит дали планира да ја земе Џенифер Анистон како партнерка за доделувањето на Оскарите следниот месец, а за неговата реакција не престанува да се збори.
56-годишниот актер шармантно се насмеал пред да одговори дека нема партнерка за Оскарите и се тргнал од новинарите.
Навивањето за поранешниот брачен пар стана погласно после нивната средба во бекстејџот на доделувањето на SAG наградите во Лос Анџелес. „Не знам, благословено сум наивен и ќе останам таков“, изјавил Бред Пит во Санта Барбара за Entertainment Tonight тврдејќи дека не ги чита насловите. Подоцна додал дека Џенифер му е добра пријателка.
„Хистерично е, но за што друго да се разговара“, се обратила Џен за истата тема.
Анистон и Пит беа во брак од 2000 до 2005 година, отприлика до времето кога тој глумеше со Анџелина Џоли во филмот „Mr. & Mrs. Smith“.
Иако постојано инсистирал на тоа дека неговото раздвојување од Анистон нема никаква врска со Анџелина, Бред и таа на крај станаа пар и родители на 6 деца. После повеќегодишната врска се земале во 2014 година, пред разводот кој го започнаа уште во 2016 година, а финализираа дури лани.
Анистон во меѓувреме се венчаше со Џастин Терокс во 2015 година, но нивниот брак заврши 2 години подоцна.
