Како да добиете убави велидгенски јајца без да употребите боја за вапцање.
Жолта – Во половина литар вода варете кора од портокал или лимон, а може и само во водата да додадете куркума, листови од крушка или морков (од морков се добива портокалова боја). Откако водата ќе зоврие, оставете ја 30-на минути да се вари на ниска температура. На крајот додадете малку оцет. Убава жолта боја се добија и со јајца боени во камилица.
Црвена – во литар вода додадете изрендан корен од цвекло и поголема количина на луспи од црвен кромид. Оставете да се варат околу 50-на минути на ниска температура.
Зелена – Зелена боја ќе добиете од свеж спанаќ, исечкајте го грубо и истолчете го. Убава зелена боја може да се добие и од листови на коприва.
Сина – Исечкајте и истолчете листови од црвена зелка, сварете ги во половина литар вода и оставете ги на тивок оган уште 30 минути.
Виолетова – Оваа боја се добива од сушени боровници кои се варат во 250 мл вода (што повеќе боровници толку бојата ќе биде поинтензивна).
