Во последните неколку дена се шпекулираше дека поранешната тенисерка Ана Ивановиќ и нејзиниот сопруг, поранешниот фудбалер Бастијан Швајнштајгер, се разведуваат. Ана пред неколку месеци отпатува во Србија, каде што ги помина новогодишните празници без својот избраник.
Имено, нејзините заеднички моменти со Драгана Џајиќ, ќерка на претседателот на Фудбалскиот сојуз на Србија, Драган Џајиќ, завршија на социјалните мрежи, додека од Бастијан немаше ни трага ни глас.
Драгана е мажена за братот на Ана, Милош, и двајцата се, според сите извештаи, многу блиски.
Тие собраа друштво и поминаа време во баровите во главниот град, а судејќи според насмевките на сликите, си поминале убаво. Храна, пијалоци, прегратки и идилична атмосфера – сето тоа можевме да го видиме во објавите што ги споделија, за кои нашироко се зборуваше.
Да потсетиме, откако германските медиуми ја објавија веста дека Ана и Бастијан раскинале, портпаролот на фудбалерот даде изјава дека двајцата нема да коментираат за својот приватен живот и побара разбирање.
