На 102 години, Ајрис продолжува да воодушевува со својот оптимизам, љубовта кон животот и смислата за хумор.
View this post on Instagram
Американската колекционерка и дизајнерка Ајрис Апфел не е позната само по колекцијата на екстравагантни очила, љубовта кон блескавиот, шарен и голем накит, туку и по оригиналниот стил. Таа е една од најстарите модни инфлуенсери во светот. На 29 август Ајрис го прослави својот 102 роденден и јасно стави до знаење дека таквата почесна возраст за неа не е ништо повеќе од фигура која нема никаква врска со нејзината внатрешна хронологија.
На роденденската фотографија г-ѓа Апфел го поддржува модниот тренд на хит филмот „Барби“ и позира во розова модна комбинација на розова позадина. Облечена е во светло-розова долга наметка со розова панделка, розови панталони и чизми со принт во розови нијанси. Носи низа ѓердани околу вратот, масивни нараквици на зглобовите, а нејзините познати кружни очила со црн раб го комплетираат изгледот. Во рацете држи три балони во форма на броеви 1, 0 и 2.
View this post on Instagram
На оваа возраст, Ајрис продолжува да воодушевува со својата љубов кон животот. На шега ја нарекуваат „геријатриска старлета“, но тоа го доживува како комплимент. Нејзините облеки доживеаа посебна изложба во Институтот за костими во Њујорк. Патем, токму изложбата на Институтот за костими во Метрополитен музејот на уметноста во 2005 година, под кураторство на Харолд Кода, ја втурна Ајрис Апфел во кариера на супермодел, муза и коавтор на познати брендови. Но, ова не е сè. Легендарната модна марка „Џими Чу“ објави модел на чевли посветени на неа, а за презентацијата на нејзината книга „Случајна икона“, Бергдорф Гудман создаде кукла Барби со ликот на Ајрис Апфел.
Апфел има над 2,8 милиони следбеници на Инстаграм, и таа е единствената личност над 100 години со ваква публика на социјалната мрежа. Не е изненадувачки што оваа жена е и една од најцитираните во светот на стилот и модата.
Списанието „Вог“ по повод роденденот на Ајрис, ги собра нејзините највпечатливи изјави кои веќе станаа модерна филозофија.
Совети за живот и стил од најстарата модна икона
View this post on Instagram
„Што и да правите и колку и да имате пари, на 80 години нема да изгледате како на 30. Зошто тогаш трошите толку многу труд и пари на манипулации со вашето тело?“
„На жените би им било многу подобро ако ги паметат по она што го имаат во главата наместо по ботоксот на лицето. Модата е опседната со младоста. Но, 70-годишните жени немаат тела на 18-годишни девојки, а 18 -годишните девојчиња немаат искуство на 70-годишни жени“.
„Во брак сум 68 години. Многу долго време. Понекогаш се чинеше дека сме заедно еден век, а понекогаш – дека тоа е само момент“.
„Ако не сте привлечни однадвор, развивајте го шармот и духовитоста, или некој свој талент или уникатна особина. Ако сте грди, поверојатно е да станете привлечни. А ако сте убави, често сте само убави и – толку.“
„Ако не се чувствувате удобно, колку и да сте луксузно облечени, нема да изгледате привлечно. Одбирам облека во која се чувствувам удобно и среќна. Повеќе е повеќе, помалку е здодевно. Не сакам трендови, претпочитам традиција“.
„За да бидете задоволни со животот, мора да припаѓате на себе“.
„Желбата да се задоволат сите е ќорсокак. Тоа води само до фактот дека едноставно ќе станете неинтересни за никого“.
„Луѓето со многу пари не се облекуваат добро како оние кои треба да работат напорно за да заработат пари. Вторите се инвентивни. Никогаш не купувам работи што другите ги нарекуваат модерни или задолжителни за сезоната. Купувам само она што ме прави среќна. Ако не се облекувате како сите други, не размислувате како сите други“.
