Рускиот олигарх Роман Абрамович бара од своите пријатели од Холивуд и американските моќници да му позајмат по милион долари.
Откако се спроведоа санкциите од Западот за руските олигарски, по почетокот на војната во Украина, познатиот бизнисмен Роман Абрамович се нашол во финансиски проблеми, а целиот имот (и финансии) му се замрзнати.
Поранешниот сопственик на фудбалскиот клуб Челзи, чии банкарски сметки се замрзнати во САД и Обединетото Кралство, очајно бара од своите моќни пријатели заеми за да плати 750.000 долари неделно, дознава Пејџ Сикс.
Трошоците вклучуваат и одржување на неговите луксузни суперјахти.
Сепак, иако Абрамович, кој беше домаќин на познати личности на своите јахти и на имотот на Сент Барт, има многу пријатели во Холивуд, Волстрит и светот на технологијата, пријателите се сега претпазливи кога станува збор за позајмување пари на рускиот олигарх, пренесува Јутарњи лист.
„Роман бара од своите најблиски пријатели да му позајмат по милион долари. Тој вели дека никогаш не пропуштил да му исплати плата на својот персонал, што е околу 750.000 долари неделно. И додека неговиот имот е замрзнат, тој не може да ги плати својот луѓе“, вели извор близок до Абрамович за Пејџ сикс.
„Меѓу другите, тој стапил во контакт со холивудскиот продуцент и режисер Брет Ратнер, како и со семејството Ротшилд и ги замолил да му позајмат пари, бидејќи се добри пријатели. Но, тие не се согласиле бидејќи, или ја немаат таа сума во готово, или не им се познати последиците со кои би можеле самите да се соочат поради позајмицата“, додава изворот.
