– Како што веќе најавивме, до крајот на оваа недела времето во Македонија ќе биде променливо облачно со повремени врнежи од дожд. На повисоките места и на планините врнежите ќе бидат од снег, каде снежната покривка позначително ќе се зголеми. Поинтензивни врнежи ќе има особено во сабота, кога локално ќе наврне позначително количество на воден талог (над 20 л/м2). Ќе дува умерен, повремено засилен ветер од југоисточен правец, додека за време на викендот ветерот ќе го промени својот правец во северен. Температурите ќе се искачуваат во интервалот од 8 до 15 степени, додека за време на викендот истите ќе бидат пониски и ќе се искачуваат во интервалот од 4 до 11 степени, вели нашиот метео прогнозер Славчо Попоски.
И во Скопскиот регион до крајот на оваа недела времето ќе биде променливо облачно со повремени врнежи од дожд. Ќе дува умерен, повремено засилен ветер од јужен правец, додека за време на викендот ветерот ќе го промени својот правец во северен и во северозападен. Температурата ќе се искачува во интервалот помеѓу 6 и 9 степени.
