– Денес времето во Македонија ќе биде претежно сончево со слаб до умерен ветер од југоисточен правец. Температурите ќе се искачуваат во интервалот од 13 до 18 степени, вели нашиот метео прогнозер Славчо Попоски.
Во Скопје и околината времето ќе биде сончево со слаб до умерен ветер од југоисточен правец, додека максималната температура ќе се искачи до околу 13 степени.
Според Попоски, во следните денови ќе имаме стабилно, суво и сончево време со мала до умерена локална облачност. Ќе дува слаб до умерен ветер претежно од југоисточен правец. Поради ведрото време, наутро температурите на повеќе места ќе се спуштаат за неколку степени под нулата, додека максималните дневни температури ќе се искачуваат во интервалот од 13 до 18 степени.
