Денес ве водиме во општина Карбинци, во селото Горни Балван, сместено во околината на Штип. Разговараме со домаќинката која се занимава со сточарство, чување овци и телиња, Виолета Манева. Ни вели дека сточарството е карактеристично за животот на село, па така е и со неа.
Виолета активно одгледува цвеќиња веќе четири години.
– Сама сум одговорна за одгледувањето цвеќиња и за дворот – ни вели Виолета.
Дворот се протега на 1 декар, а таа во текот на денот на своите убавици им посветува најмалку по час до два.
Бенџаменот ѝ е омилено растение, како што вели, затоа што има преубав лик и изглед.
Во текот на зимата, Виолета ги собира цвеќињата и ги сместува дома, само тие што ја издржуваат зимата остануваат надвор, во дворот.
На оние кои сакаат да почнат да се занимаваат со одгледување цвеќе, Виолета им порачува:
– Како за почеток, шеќерчиња, маловки, копривки, а можам да советувам и дека цвеќиња треба д аодгледува само тој што ги сака цвеќињата, зашто за да ги одлегуваш, пред сè, треба да ги обожаваш!
Инаку, Виолета е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
УЖИВАЈТЕ ВО ФОТОГАЛЕРИЈАТА:
ФОТО – ПРИВАТНА АРХИВА
