– За време на овој викенд времето во Македонија ќе биде претежно сончево, само денес и тоа особено претпладнево со појава на умерена облачност. Денес ќе дува слаб до умерен, а долж Повардарието повремено засилен ветер од северен правец, додека утре ветерот насекаде ќе биде со слаб до умерен интензитет, и од јужен и од југоисточен правец. Наутро, и тоа особено утре ќе биде постудено и минималните температури поенакде ќе се спуштат за некој степен под нулата, и тоа поради ведрото време, додека максималните температури ќе се искачуваат во интервалот од 12 до 17 степени, вели метео прогнозерот Славчо Попоски.
Во Скопскиот регион за време на овој викенд времето ќе биде претежно сончево, само денес претпладне со појава на умерена облачност. Денес исто така ќе дува умерен, повремено засилен ветер од северен правец. Додека температурите за време на викендов ќе се искачуваат во интервалот помеѓу 13 и 15 степени.
Според Попоски, потоа, во почетокот од следната недела како што најавивме ќе има ново зголемување на облачноста, кое ќе услови повремени локални врнежи од дожд.
