Хранете се здраво, избегнувајте фаст-фуд оброци спортувајте и посветете се на себеси.
Потребни состојки за ролатот
- 100гр. овесно брашно
- 4 јајца
- Китка магдонос
- Два свежи моркови
- 2 мали лажички маслиново масло
- Семки од сончоглед
- Јогурт со 2% масленост
- Малку хималајска сол
- Урда по вкус
За кремот од авокадо
- Едно зрело авокадо
- Неколку листови магдонос
- Малку хималајска сол
- Маслиново масло
За кремот од домати
- 2 розеви домати
- Маслиново масло
- Листови свеж босилок
- Хималајска сол
Начин на подготовка
Состојките за кората (освен урдата) додадете ги во блендер. Блендирајте се додека не добиете густа хомогена смеса. Поставете хартија за печење во садот во кој ќе го подготвувате ролатот и истурете ја смесата рамномерно. Печете 10 до 15 минути на 180 степени.
Во блендер, додадете го авокадото и останатите состојки. Направете крем со блендирање и оставете го да отстои некое време во фрижидер.
Во длабок сад додадете ги сецканите домати, сецканите листови свеж босилок, маслиновото масло и солта. Мешајте убаво.
Откако ќе излади кората филувајте ја со авокадо кремот и урдата. Виткајте ролат почнувајќи од краевите со постепено притискање. Врз ролатот истурете ја салсата од домат и босилок. Оставете да се стегне во фрижидер околу 10 минути. Консумирајте го со ајран, кефир или пак помалку масно кисело млеко или јогурт.
Вкусно!
