23.8 C
Скопје
12:05 - 28 мај, 2024

(ФОТО) ГЕРМАНСКА БАЈКА НА ОХРИЃАНКАТА ЛИЛЈАНА: Трендафилите ме потсетуваат на Охридскиот парк каде го поминав детството!

Убаво е кога ќе се изнајдеме Македонци на сите страни на светот, а обединети преку љубовта кон земјата и кон – цвеќињата. Денес разговараме со Лилјана Спироска, охриѓанка која веќе 30 години живее во Липетал, Германија.

фото – приватна архива

Лилјана има преслатка професија – слаткарка, а хоби ѝ се сликарството и нејзиниот двор. Цвеќиња одгледува повеќе од 15 години.

Фасцинантен е дворот на Лилјана, се простира на неверојатни 1.500 квадратни метри, со тревник и разновидни цвеќиња и украсни дрва.

– Негувам сардели, трендафили, петунии и многу други цвеќиња, ни вели нашата цветна дама.

За градината е одговорна токму таа.

– Љубовта кон цвеќете ја имам наследено од мојата мајка. Секако, треба да се има време и многу љубов, потребно е по неколку часа на ден да се посвети на градината, ни објаснува охриѓанката во Германија.

На Лилјана најомилени ѝ се трендафилиите за кои вели дека ја потсетуваат на Охридскиот парк каде го поминала своето детство. Ги сака и сарделите кои ѝ ја красат цела куќа од пролет до есен.

– Од наесен, дворот ми го красат Митровденските цвеќиња, – горда е Лиле. 

Следува нејзиниот совет за оние кои сакаат да почнат да се занимаваат со нега и одгледување на цвеќе и растенија.

– За почетници би препорачала сукулентни растенија, седум, ги има многу врсти и најлесно е за одгледување и не бара посебни услови, вели нашата Лиле и ви испраќа топли поздрави од Липетал.

Инаку, Лилјана е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!

УЖИВАЈТЕ ВО ФОТОГАЛЕРИЈАТА!

ФОТО – ПРИВАТНА АРХИВА 

Слични објави

(Фото) Принцезата Шарлин од Монако конечно насмеана, Алберт ѝ плаќа: Ги покажа децата

еспресо

Лепа Лукиќ напиша тестамент: Еве кому го остава богатството, но под еден услов

еспресо

(Фото) Јелена Карлеуша во јавност, го спомна и Душко: Погледнете како изгледа среде разводната треска 

еспресо

Астропрогноза за вторник, 28 мај: Лидерство за раковите, внимание за девиците

еспресо

„Црна низа“ денови: Три хороскопски знаци ќе зажалат до крајот на неделата

еспресо

(Фото) Наташа Беквалац ја разбесне мајка си: „Марш, во три брака си била“

еспресо
Се вчитува....