Водечкиот германски и светски вирусолог, Кристијан Дростен, експерт за коронавирусот и еден од авторите на тестот за САРС, смета дека имунитетот стекнат поради претходно заболување од некој од вирусите од коронагрупата, може да претставува заштита и за ковид-19.
Дростен раководи со институтот „Чарит“ во Берлин, прв го изолираше САРС, „постариот брат“ на ковид-19. Тој работел на развивање тестови и истакнува дека заразата сепак нема да биде под контрола сѐ додека не биде откриена вакцина.
Најважни се, како што додава, реакциите на државите, какви што се повторно воведување изолација и соработката на граѓаните.
Неговата препорака се сведува на четири збора: „шест чекори, шест секунди“. Шест чекори одговараат на оддалеченоста најмалку 1,8 метри, а шест секунди е времето кое, како што вели проф. Дростен, смеете да го потрошите на комуникација со близок соговорник, во продавница, на скали, во минување… Сѐ друго е потенцијално опасно.
Со него се сложува и германската канцеларка Ангела Меркел. Дростен е нејзин водечки советник за време на кризата.
The post Вирусологот Кристијан Дростен: Најважно правило – шест чекори, шест секунди appeared first on Слободен печат.
