Еден од најдобрите пијанисти во светот, нашиот Симон Трпчевски, наполни 40 години. Тој на социјалните мрежи сподели фотографии од интимната роденденска забава во неговиот дом.
Наместо со жолта ракија или виски, Симон прославил со ерменски коњак и вкусна трпеза, а се разбира добил и доста роденденски подароци..
Тој се заблагодари за честитките од неговите пријатели преку неговиот профил на Фејсбук.
– Ви благодарам за сите прекрасни пораки и желби за мојот роденден. Фантастични подароци, блуза
дизајнирана од мојата ќерка и мојата омилена торта, подготвена од мојата сестра. Плус, Ерменски коњак!
Љубов, храна и пијалaци може само да ја направат музиката поубава – стои во статусот на виртуозот.
