Министерот за здравство, Венко Филипче, најави дека и Македонија може да го следи случајот со Бугарија и Хрватска, да најголемите спортски сали да ги направи привремени болници доколку драстично се зголеми бројот на заболени на нашата држава.
– Ја спомнавме и оваа можност, дискутирана е, но сметаме дека такво нешто би преземале дури во некоја понапредна фаза или, како некоја последна мерка. Имаме кревети кои се оспсобени и би можеле да ги користиме за такво нешто, но засега експертите сметаат дека не е потребно. Повеќе го разгледувавме германскиот систем на лекување, во кој сите пациенти со полесна слика се на домашно на лекување, а во болница се оние кои мора да се на респираторни машини и оние на кои би можела да им биде потребна помош – одговори Филипче на новинарско прашање дали и салите во Македонија ќе бидат претворени во болници. Тој притоа додаде дека засега не се разгледува оваа опција.
Досега во регионот на ваков потег се одлучија хрватските и бугарските власти. „Арена“ во Загреб и салата „Армеец“ во Софија веќе се оспособени како резервни болнички капацитети за случаи кои не се во многу сериозна состојба. Во нашата земја такви капацитети би можеле да бидат двете најголеми сали, „Борис Трајковски“ и „Јане Сандански“ во Скопје.
Моментниот број на позитивни на коронавирус во Македонија изнесува 85, откако во изминатото деноноќие беа регистрирани нови девет случаи.
The post Салите во Македонија ќе се претворат во болници доколку се зголеми бројот на заболени од коронавирусот appeared first on Слободен печат.
