Пациентите кои се опоравиле од коронавирусот можат да имаат значително намалена функција на белите дробови. Бројни од нив ќе се задишат додека одат или додека се качуваат на скали, пишува BussinesInsider.
Болница во Хонг Конг направила истражување анализирајќи над десетина лица кои се пуштени дома после лечење од Ковид-19. Од десет, тројца кои го преболеле вирусот, не биле во состојба да ги прават истите работи кои со леснотија ги правеле пред болеста. Ако само малку го забрзале темпото на одење, дишењето станувало отежнато, изјавил директорот на Инфективниот центар во Хонг Конг, доктор Овен Тсанг Так-јин.
Некои од пациентите, според негова процена, имаат редуцирана функција на белите дробови за околу 20 до 30 отсто. Кај девет од десет излечени пациенти пронајдени се длабински оштетувања на дишните органи.
Доктор Тсанг изјавил дека капацитетот на белите дробови во иднина може да се зајакне со физиотерапија. Им препорачал на излечените пациенти за почеток да прават кардиоваскуларни вежби за белите дробови постепено да се опоравуваат, сугерирајќи им го пливањето како најкорисно.
Докторите од Хонг Конг сметаат дека долгорочното влијание на коронавриусот на опоравените пациенти допрва треба да се испитува.
The post Коронавирусот остава последици, на опоравените пациенти капацитетот на белите дробови е намален и за 30 отсто appeared first on Слободен печат.
