Јасно е дека СДСМ продолжува понатака со свесно платена скапа цена за тоа што мораше да го прави минатите години за санација на земјата. ДУИ доби уште една шанса да продолжи во реформирање на партијата. Имаме една крупна опозициона формација во албанскиот блок која и тоа како ќе биде гласна. Таа формација може да изгледа како флуидна и предизборна, но како и да е комоцијата со која ДУИ владееше сега ќе ја нема, изјави во „Утрински брифинг“ на „Слободна ТВ“ политичкиот аналитичар Ѓунер Исмаил и додаде дека несомнено е дека Заев ќе ја составува владата, без условот на ДУИ -Албанец премиер.
-Оваа земја пред две три години беше заробена држава, упропастена администрација и една морална дегенарација на општеството. Во таква ситуација овие лево-десни или десно-леви политички ориентации најубаво пливаат. Фигурата или фигурите кои во името на Левица ќе бидат фронтмени ќе биде доказ дека ние се уште сме една балканска држава-рече Исмаил.
The post Ѓунер Исмаил: Несомнено е дека Заев ќе формира Влада, без условот на ДУИ (ВИДЕО) appeared first on Слободен печат.
Ѓунер Исмаил: Несомнено е дека Заев ќе формира Влада, без условот на ДУИ (ВИДЕО) was first posted on јули 16, 2020 at 10:06 am.
